بغلان كې سېلابونو ۱۷ تنو ته مرګ ژوبله اړولې او ۲۰۰ کورونه ویجاړ شوي
بغلان كې سېلابونو ۱۷ تنو ته مرګ ژوبله اړولې او ۲۰۰ کورونه ویجاړ شوي
ځايي چارواكي وايي، په بغلان کې د سېلابونو له کبله ۱۷ تنو ته مرګ ژوبله اوښتې او نږدې ۲ سوه کورنه ویجاړ شوي دي.
په بغلان ولایت کې د طبیعي پېښو په وړاندې د مبارزې رئیس نصیراحمد کهزاد وویل، د پلخمري په کارته اتفاق سیمه کې د راوتيو سېلابونو له كبله ۷ تنه مړه شوي او ۱۰ نور ټپيان شوي دي.
كهزاد زیاته کړه، په دغه سېلابون نږدې ۲ سوه کورنه هم ويجاړ شوي دي.
د نوموړي په وينا، د ملي اردو سرتيري د پېښې سیمې ته تللي، ترڅو له زیانمنو شویو کورنیو سره مرسته وکړي.
بايد وويل شي، چې تېر کال هم د دغه ولایت یوشمېر ولسوالۍ سیلابونو سختې ځپلې وې، چې له كبله یې څه د پاسه ۷۰ تنه مړه شوي هم وو.
About Author
