حکومت د داعش کورنیو ته مرستې څیړې
حکومت د داعش وسله والو کورنيو ته، د ملي امنيت شورا له لوري د پيسو ورکولو په تړاو د پکتيکا والي څرگندوني څیړې
ولسمشری ماڼۍ ويلي، په دي تړاو يي يو پلاوی ټاکلی دی
یو شمیر رسنیو مخکې له دې د عبدالکریم له خوا ویلي وو، چې د ملي امنیت شورا د داعش وسله والو له کورنیو سره د دوه سوه زره ډالرو مرسته کړې ده. ټآاکل شوې وه چې ښاغلي کریم نن په کابل کې یوې خبرې ناستې ته په دې هکله مالومات ورکړي وی، خو د نامالومو دلایلو له امله دا خبرې ناسته لغوه شوه. بله خوا د ملي امنیت شورا چارواکي د پکتیکا والي له لوري دا څرګندونې تړلې او بولي او رد کړې یي دي.
بله خوا له ولسمشرۍ ماڼۍ ځخه په خپرې شوې خبر پاڼه کې ویل شوي، چې د ښاغلي متین د څرګندونو د څیړلو په موخه یو پلاوی ټاکل شوی دی. د خبر پاڼې پر بنسټ په دې پلاوې کې د بیلا بیلو بنسټونو او وزارت خونو استازي شتون لري. په خبر پاڼه کې ویل شوي، ټاکل شوی پلاوی به په دې هکله خپل ریپوټ تر لسو ورځو وړاندې کړي.
