بدخشان او سرپل ځینې سیمې له ګواښ سره مخ دي
په داسي حال کي چي په بدخشان کې چارواکي له گواښ سره د دريو ولسواليو له مخ کيدو خبر ورکوي په سر پل ولايت کي څوارلس کلي د وسله والو مخالفينو لاس ته ورغلي دي
د بدخشان د سولې کمیټې ریس(عبدالواحد خطیبي) ویلي: د بدخشان ولایت درې ولسوالی د دولت وسله والو مخالفینو له ګواښ سره مخ دي. جرم، کران او منجان، بهارک ولسوالی د سقوط له ګواښ سره مخ شوي دي. د بدخشان د سولې کمټې د ریس په وینا: دا ولسوالی سختې زیانمنې دي او د سیمې اوسیدنکي یي له اندیښنو سره مخ کړي. د بدخشان یمګان ولسوالی هم د شنبه په ورځ د وسله والو طالبانو لاس ته ورغله او خطیبي حکومت پر نه چمتوالي تورنه کړی دی. ده ویلي له دې سره چې یمګان یوه اونۍ د وسله والو له لوری کلابنده وه خو دولت یي د ژغورلو لپاره هیڅ ډول ګام نه دی پورته کړی.
دا په داسې حال کې ده چې د سرپل ولایتي شورا غړي، په سوزمه قلعه کې د څوارلسو کلیو له سقوطه خبر ورکوي، دوی خبرداری ورکړی که چیرې سیمې ته مرستندویه ځواکونه وانه ستول شي ولسوالی به هم د وسله والو لاس ته ورشي. له دې سره دوی تر نژدې راتلونکي د وسله والو له لوري د کوهستانات ولسوالی د سقوط په هکله اندیښنه ښودلې وایي: ددې ولسوالی یواځې درې کلې له دولت سره پاتې دي. سیمه ایزو مسولینو هم د ولایتي شورا د غړیو خبرو پخلی کړی خو رسمي خبري آژانسونو دا خبرونه رد کړي او دایي تشې څرګندونې ښودلې دي.
