د ترافيکي پيښو له امله د هرات ولايتي شورا د احمد شاه ابدالي مساپر وړونکي شرکت ور مهر لاک کړی -

د ترافيکي پيښو له امله د هرات ولايتي شورا د احمد شاه ابدالي مساپر وړونکي شرکت ور مهر لاک کړی دي د ولايتي شورا ريس ويلي د هرات او کندهار په لويه لاره ډيری ترافيکي پيښې د همدي شرکت د موټرو له لوري رامنځ ته کيږي ځکه چي ددویډيری موټر چلونکي روږدي دي. خو ددي شرکت مسولين بيا د ترافيکي پيښو د رامنځ ته کيدو لامل د واټونو سور کمښت او د وسله والو له ويرې گړندی تگ بولي

د هرات ولایتي شورا ریس کامران علي زایي ویلي، په دې وروستیو کې د هرات کندهار په لویه لارو د ترافیکو پیښو ډیرښت چې له امله یې لسګونه کسانو ته مرګ ژوبله اوښتې، ډيرې اندیښنې را ولاړې کړې دي. ده ویلي ډیری دا پیښې د ابدالي شرکت د موټرو له لوري رامڼځ ته شوې او دوی پریکړه کړې ترهغې به ددې شرکت ور تړلی وساتي ترڅو چې د ژورو بدلونونو ژمنه نه وي ورکړل شوې.

خو په هرات ولایت کې د ابدالي شرکت مسولینو د ولایتي شورا دا تور چې ګواکې ددوی موتر چلونکي روږدي کسان دي، رد کړې ده. دوی ویلي: د هرات کابل لویه لارې ډيرې برخې ویجاړې شوې چې له امله یې ترافیکي پیښې رامنځ ته کیږياو دولت باید دې موضوع ته جدي پاملرنه وکړي.

د احمد شاه ابدالي شرکت په هیواد کې د تر ټولو ستر ځمکنۍ مسافر وړونکی شرکت دی او د کابل کندهار او هرات په لویو لارو کې ډیری ترافیکي پیښې هم د ددې شرکت د موټرو په وسیله رامنځ ته کیږي. خلک هم وایي چې دډې شرکت موټر چلونکې په دې کم سوره واټونو له کچې وتلی ګړندی تګ کوي.