د پوليسو په اداره کي د دير فساد په هلکه څيړنې پيل شوی دی

د ولسمشر وياند ويلي، حکومت د فساد پراختيا نشي زغملی او د کورنيو چارو وزير ته يي په دي هکله د څيرنو حکم کړی دی.

د پولیسو په ادارو کې د لوی فساد په هکله ریپوټ تیره اونۍ د رویټرز خبري آژآنس له لوري خپور شو. په دې ریپوټ کې چې د ملګرو ملتونو د پرمختیایي ځانګې په مالي مرسته چمتو شوی وو پکې، د پولیسو په ادارو کې له لوی فساد څخه پرده پورته شوې وه.

رویټرز ویلي وو د پولیسو معاشونه له همدي صندوق څخه ورکول کیږي، خو اوس دا صندوق غواړي ترڅو هغه کسان له خپلو دندو ګوښه شي کوم چې د پولیسو د معاشونو وکړې په سیستم کې په ګډ وډی، او ستونزو ته د نه رسیدو په تورنو تورن دي.

خو د کورنیو چارو وزارت د ځیړنې څآنګې ریس ښاغلي نجرابي دا ټول تورنه رد کړي او ددې ریپوټ خپرول یی سیاسي ترور ښودلی دی.

د ملګرو ملتونو د پرمختیا برخه هڅه کوي ترڅو په دې پوه شي، چې ولي د پولیسو په هکله شکایتونه چې د څلور ویشت ساعته فعاله ټلفوني اړیکو له لارې ثبت شوي له درغلی او ناغیړۍ سره مخ شوي دي.

د رویټرز خبري آژانس د ریپوت له مخې ددې ریپوټ لیکونکي په خپلو څیړنو کې دا مالومات تر لاسه کړې چې لوړ پوړیو چارواکیو د پولیس ځواکونو څخه د ګټې اخستنې په موخه له دې سیستمه کار اخستی دی.

له دې سره د کورنیو چارو وزارت تیره اونۍ دا ریپوټ رد کړ او په دې هکله یي ځواب ویلو ته چمتوالی ښودلی دی خو اوس د ولسمشر ویاند ویلي چې په هیڅ صورت سره د افغانستان حکومت فساد نشي زغملی.

ښاغلي عابد ویلي: ددې ریپوټ له خپریدو وروسته لومړی کار چې ولسمشر وکړ په دې هکله یي د کورنیو چارو وزیر ته د څیړنو حکم کړی دی. ده ویلي، په دې هکله یو کمیسیون هم رامنځ ته شوی او په خپل کار یي پیل کړی دی.