روسيي او عربستان د سوريي ستونزې د هواری لپاره د يوې حل لاري رامنځ ته کولو ته چمتوالی ښودلی -

روسيي او عربستان د سوريي ستونزې د هواری لپاره د يوې حل لاري رامنځ ته کولو ته چمتوالی ښودلی. دا هوکړه مسکو ته د عربستان بهرنيو چارو وزير د سفر پر مهال شوې ده او دواړو خواو د اړيکو پر ټينگښت هم ټينگار کړی دی

د روسیې بهرنیو چارو وزیر سرګي لاوروف له خپل عربستاني سیال سره په یوه ګډه خبرې ناسته کې چې په مسکو کې په لاره اچول شوې وه، د دواړو هیوادونو ترمنځ د اړیکو له ودې خبر ورکړی ویلي يې دي، د سعودي عربستان له بهرنیو چارو وزیر سره یي د دواړو هیوادونو ترمنځ د اړیکو پر پراختیا او د سیمه ایزو مسایلو خبرې کړي دي. د روسیې بهرنیو چارو وزیر، روسیې ته د سعودي عربستان د ولیعهد او دفاع وزیر سفر او له ولادیمیر پوتین سره یې د لیدنې یادونه وکړه وویل: دې لیدنو د دواړو هیوادونو ترمنځ د اړیکو پراختیا ته لاره هواره کړې. د ریپوټونو له مخې د روسیې او سعودي عربستان بهرنیو چارو وزیر هوکړه کړې چې د سوریې د ستونزې د هواری لپاره به هڅو ته دوام ورکوي. د عربستان بهرنیو چارو وزیر څه موده وړاندې د ولادیمیر پوتین سره د لیدنې پر مهال ویلي وو مسکو او ریاض د سوریې په هکله خبرو ته دوام ورکوي.

سرگئي لاوروف: ” مونږ به د منځني ختیځ په هکله په پترزبرګ کې پیل شویو خبرو ته د په دوحه کې دوام ورکړی او مونږ خوښ یو چې نن د منځني ختیځ او او شمالي افریقا هیوادونو په هکله د خبرو چانس لرو “

روسیه د سوریې د دولت نږدې ملګری هیواد دی او له دې امله یې له سعودي عربستان سره اړیکې ترینګلې شوې دي. خو د عربستان بهرنیو چارو وزیر په دې خبرې ناسته کې د دواړو هیوادونو ترمنځ د اړیکو پر ټینګښته خبر ورکړی ویلي یي دي، وروستیو لیدونکو د دواړو هیوادونو ترمنځ اړیکې پیاوړې کړې. دوه ورځې وړاندې هم شینهوا خبري آژآنس د سوریې او عربستان د اړیکو په هکله د مسکو له هڅو خبر ورکړی وو ویلي یې وروستی لیدنې په همدي موخه تر سره کیږي.