د کډوالی پر سیستم د ملګروم ملتونو نیوکه -

ملگرو ملتونو د کډوالو څانگي له اروپايي هيوادنو غوښتي ترڅو د کډوالی سيستم په رامنځ ته کولو سره د قاچاق وړونکو لاس ته د کډوالو له ورتگه مخنيوی وکړي. دي اداري بيلا بيلو اروپايي هيوادونو ته د کډوالو په اوسني ورتگ نيوکه کړې ويلي يي دي د اروپا د کډوالو منل کيدو سيستم له فعاليته لويدلي دي

د ملګرو ملتونو د کډوالو څانګې ریس آنتو نیوګوتیرس په یوه خبري ناسته کې چې د فرانسې کورنیو چارو وزیر سره په جینو کې تر سره شوې له کډوالو سره د اروپایي ټولنې پر همکارۍ ټینګار وکړ. او له اروپایي ټولنې څخه یي غوښتي ترڅو د پنډغالیو یا کمپونو په رامڼخ ته کولو سره ددوی د منل کیدو دوسیې وڅیړي. ګوتیرس ویلی: اروپایي ټولنه د قاچاق ورونکو لاس ته باید د کډوالو د لویدو اجازه ورنکړي. ده ویلي کډوال چې د اروپا هرې سیمې ته رسیږي باید په هماغه ځای کې ددوی دوسیې وڅیړل شي.

آنتونيو گوترویلي: ” ریښتینولي داده چې کډوال ایټالیا او یونان ته ځي خو وروسته بیا مونږ دوی له آلمان او سویډن څخه پیدا کوو دا په دې مانا ده چې په اروپا کې د کډوالی سیستم په بشپړه توګه له منځه تللی او هرڅوک باید په خپله دا مسولیت ومني .”

دا په داسې حال کې ده چې په دې شپو ورځو کې د نړۍ له بیلا بیلو هیوادونو څخه ډلې ډلې غیر قانوني کډوال د اروپا په لور روان دي د اټیالیا سمندري ځواکونو تیره ورځ ۵۵ مړي له دریو بیړیو موندلي دي په داسې حال کې چې د اروپایي ټولنې سمندري ځواکونو درې زره کسان له ډبیدو ژغورلي دي

یواځې په دې وروستیو شپو ورځو کې په زرګونه کډوال یونان او ترکیې ته رسیدلي او ملګرو ملتونو د کډوالو څانګې ویلي: د روان کال تر پایه به درې سوه زره کډوال اروپایي هیوادونو ته ځانونه ورسوي یو این اچ سي آر ویلي د روان کال له پیله تر اوسه دوه سوه درې زره کډوالو په مدیترانې سمندر کې خپل ژوند له لاسه ورکړی دی.