د اچین بې پیلوټه برید کې د داعش ۱۷ وسله وال وژل شوي
epa02730638 A British Ministry on Defence handout photograph dated 01 February 2010 and released on 13 May 2011 showing a RAF Reaper UAV (Unmanned Aerial Vehicle) taxiing at Kandahar Airfiled, prior to a mission in the skies over Afghanistan. The British Ministry of Defence reported on 13 May 2011 that the Reaper UAV is armed with a full complement of two GBU-12 226kg (500lb) laser-guided bombs and four Lockheed Martin AGM-114P Hellfire air-to-surface missiles. The MQ-9 Reaper is a medium-to-high altitude, long endurance remotely piloted aircraft system. The MQ-9's primary mission is to act as an intelligence, surveillance and reconnaissance (ISR) asset, employing sensors to provide real-time data to commanders and intelligence specialists at all levels. EPA/Cpl STEVE BAIN ABIPP / BRITISH MINISTRY OF DEFENCE / HANDOUT MANDATORY CREDIT; CROWN COPYRIGHT HANDOUT EDITORIAL USE ONLY/NO SALES
د ننګرهار په اچین ولسوالۍ کې د بهرنیو ځواکونو په یوه بې پیلوټه برید کې وروسته له هغه د داعش ۱۷ وسله وال ووژل شول، چې دغې ډلې له اوو طالبانو او د ملي له یو سرتېري سرونه پرې کړي وو.
د اچین ولسوالۍ یو تن اوسېدونکي عبدالقیوم وویل، چې داعشیانو نن د جمعې تر لمانځه وروسته د پېښې درې د مکتب کلي د یو جومات مخې ته د جمعې تر لمانځه وروسته د طالبانو له اوو غړو
او د ملي اردو له یوه سرتېري په عام محضر کې سرونه پرې کړي وو.
هغه زیاته کړه، چې د داعش وسلوالو ددغه کار نندارې ته د سیمې اوسېدونکي هم راټول شوي وو، چې پر دې مهال د بې پیلوټه الوتکې لخوا هوایي برید ترسره شو.
عبدالقیوم وایي چې په دې برید کې د داعش د ګڼ شمېر وسله والو ترڅنګ یو شمېر ملکي وګړو ته هم مرګ ژوبله ده اوښتې.
د ننګرهار د والي ویاند عطاء الله خوږیاڼي پژواک اژانس ته هوایي برید تایید کړ، خو د مرګ ژوبلې په اړه یې معلومات ورنکړل.
خو ددې ولایت یوې بلې امنیتي سرچینې پژواک ته وویل، چې په دې هوایي برید کې د یوه پاکستاني ډاکټر په ګډون ۱۷ داعشي وسلوال وژل شوي دي.
سرچینې دا ومنل چې تر دې بریده مخکې د داعش وسله والو له اوو طالبانو او د ملي اردو له یوه سرتېري سرونه پرې کړي وو.
د سرچینې د معلوماتو له مخې په دې برید کې دوه ملکي وګړي هم ټپیان شوي دي.
یادو وسله والو ډلو تراوسه په دې اړه څه نه دي ویلي.
About Author
