د اردوغان دیکتاتوري دوام لري -

د ترکیې ولسمشر رجب طیب اردوغان په ترکیه کې د قدرت د جوړښت بدلون په هڅه کې دی. دی غواړي د لومړي وزیری پست له منځه یوسي او په خپله د ولسمشر په توګه پاتې شي چې په دې سره لومړی وزیر داود اغلو په کور کښیني او د دولت ټول واک به له ده سره پاتې شي.

داسې ویل کیږي چې په تیرو دوه میاشتو کې د داود اغلو د له لرې کولو لپاره ددې هیواد په ولسمشری ماڼۍ کې څو ځله ناستې تر سره شوي دي او په دې ناستو کې داردوغان دوه سلاکارانو ګډون کړی وو . په دې ناستو کې له داود اغلو څخه غوښتل شوي چې په خپله په خپله خوښه له دندې لاس واخلي ترڅو د شخړو کچه را ټیټه شي. له دې سره دده د ګوښه کولو لپاره په ډیریو رسنیو او ټولنیزو شبکو کې تبلیغات ډیر کړل شوي دي.

د ویلو وړ ده چې واک ته د اردوغان له رسیدو مخکې ولسمشر یو تشریفاتي پوست وو خو پّ اساسي قانون کې د بدلون له مخې ولسمشری د تشریفاتي پر ځای په هیواد کې لومړی او پریکړه کونکی پست شو. د اردوغان مخالفینو وایي اردوغان په ترکیه کې په سیستم کې د بدلون په رامنځ ته کولو سره غواړي ترڅو تل تر تله ولسمشری دنده پّ خپله لاس کې ولري او خپلې غوښتنې ته چې دعثماني امپراتوری رامنځ ته کولو ده ورسیږي.