د پاکستان په کراچۍ ښار کې دوه پولیس ووژل شول
د پاکستان تر ټولو لوی ښار کراچۍ کې د ډزو یوه پېښه کې دوه پوځيان وژل شوی او یو بل ټپي شوی دی. پېښه د کراچۍ ښار مرکزي صدر سیمه کې شوې ده.
د خاورمیانه ریپوټونو پر بنسټ، ځايي پولیس وايي نامعلومو کسانو د پوځ پر یوه روان ګاډي ډزې وکړې، چې پایله کې یې دوه پوځیان ووژل شوو.
پولیس وايي پېښه د صدر پارکنګ پلازه سیمه کې شوې ده.
بریدګر د پېښې له ځایه وتلي دي.
د پاکستان دولتي ټلویزیون په رپوټ کې ویل شوي، چې د پېښې ټپیان جناح دولتي روغتون ته لېږدول شول.
د یاد روغتون بېړنیو طبي مرستو برخې مشرې سیمي جمالي ځايي رسنیو ته ویلي، چې یوه ټپي پوځي په روغتون کې ساه ورکړه.
د پوځ او نورو امنیتي ادارو چارواکي د پېښې ځای ته رسېدلي دي.
د کراچۍ د پولیسو په خبره له پېښې وروسته يې سیمه کلابنده کړې او پلټنې يې پېل کړې دي.
په کراچۍ کې د پاکستان پر پوځ دغه برید له اوږدې مودې امنیت وروسته شوی او مخامخ ددغه هیواد پوځ په کې په نخښه شوی دی.
د کراچۍ د پولیسو په خبره دا د پاکستاني پوځ د استخباراتو ګاډی و، چې همدلته یې د معمول ګزمه کوله.
د پاکستان لومړي وزیر نوازشریف او ددغه هیواد ولسمشر ممنون حسین پر پوځ دغه برید غندلی او اړوندوه چارواکو ته يې د پلټنو امر کړی دی.
تراوسه ددغه برید مسوولیت کومې وسله والې ډلې نه دی منلی.
About Author
