رئیس جمهورغنی از سفر تاجیکستان به کشور بازگشت
محمد اشرف غنی، رئیس جمهوری کشور پس از سفر یک روزه به تاجیکستان، به کشور برگشت.
به گزارش خبرگزاری خاورمیانه، آقای غنی صبح دیروز در راس یک هیات عالی رتبۀ دولتی به منظور اشتراک در دومین نشست سران کشورهای “پروژه کاسا یک هزار” عازم دوشنبه پایتخت تاجیکستان گردیده بود.
رئیس جمهورغنی در حاشیه نشست مذکور، بعد از ظهر دیروز با امام علی رحمان رئیس جمهور تاجکستان و سورونبای جیین بیکوف صدراعظم قرغزستان به طور جداگانه دیدار کرد.
در این دیدارها آنان روی گسترش روابط دو جانبه بخصوص همکاری ها در عرصه های ترانزیتی، تجارتی، خط آهن، انرژی برق، چگونگی تطبیق پروژه کاسا یک هزار، اعطای بورسیه های تحصیلی به جوانان افغان و سایر موضوعات مورد علاقه بحث و تبادل نظر نمودند.
About Author
