ملي امنیت ځواکونو د ترهګرو یوه 4 کسیزه ډله نیولې ده
ملي امنیت ځواکونو د ترهګرو یوه ۴ کسیزه ډله نیولې ده
د ملي امنيت ځواکونو پر ولسمشری ماڼۍ، ملي دفاع وزارت او په کابل کي د بهرنيانو پر دوه پڼډغاليو د بريد پلان شنډ کړی دی. ملي امنيت لوي رياست ويلي: دوی يوه څلور کسيزه ډله چي دا دنده ور سپارل شوي وه نيولې ده
د ملي امنیت لوی ریاست له لوري نن په یوې خپرې شوې خبرپاڼه کې ویل شوي: د ترهګرو یوې څلور کسیزې ډلې چې غوښتل یې پر ولسمشرۍ ماڼۍ، ملي دفاع وزارت او په کابل کې د بهرنیانو پر دوه پنډغلیو بریدونه تر سره کړي نیول شوې ده. دوی ویلي نیول شوي کسان د پیښور شورا غړي دي او د کابل له اتمې ناحیې نیول شوي، دوی ته د قاري اسحق چې د کابل لپاره د طالبانو تش په نامه والي دی له لوري دنده ور سپارل شوې وه ترڅو په ولسمشرۍ ماڼۍ، ملي دفاع وزارت او په کابل کې د بهرنیانو پر دوه پنډغالیو بریدونه ورکړي.
د خبر پاڼې له مخې نیول شویو کسانو له ترهګریزو توکو د کار اخستنې زدکړې د پولې پورې غاړه د تیرا په سیمه کې تر لاسه کړې او د کابل په اتمه ناحیه کې له دوی څخه د ځانمرګي برید یوواسکټ پنځه نښلونکي بمونه، چاودیدونکي کپسول او اوه سیټه هغه موبایلونه چې په چاودنو کې ترې کار اخستل کیږي تر لاسه شوي . د ملي امنیت لوی ریاست ویلي: نیول شوي کسان عبیدالله د عبدالحنیف زوی، ضیاالرحمن د غلام مصطفی زوی، اجمل د عصمت خان او شریف الله د قاسم خان زوی دي. نیول شویو کسانو په کابل ښار کې په ترهګریزو بریدونو کې په لاس لرلو اعتراف کړی دی.
About Author
